تجربتي مع الكيراتين

ﺍﻟﺴﻼ‌ﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ

ﺑﺼﺮﺍﺣﺔ ﺍﻧﺎ ﺍﻧﺴﺎﻧﺔ ﺗﻌﻮﺩﺕ ﺩﺍﻳﻤﺎ ﺍﻻ‌ﺗﻜﺎﻝ ﻋﻠﻰ ﺍﻟﻠﻪ ﻗﺒﻞ ﻣﺎ ﺍﺑﺪﻱ ﺍﻱ ﻣﺸﺮﻭﻉ..
ﻭﺧﺎﺻﺔ ﻟﻮ ﻣﺸﺮﻭﻉ ﻳﺨﺺ ﺟﻠﺪﻱ ﺍﻭ ﺷﻌﺮﻱ ﺍﻭ ﻭﻳﻬﻲ ﺑﺸﻜﻞ ﺧﺎﺹ..

ﻓﻜﻨﺖ ﺍﻓﻜﺮ ﺩﺍﺍﺍﺍﺍﺍﺍﺍﺍﻳﻤﺎ ﺑﺤﻞ ﻟﺸﻌﺮﻱ ﺍﻟﻠﻲ ﻛﻨﺖ ﺍﺳﺸﻮﺭﻩ ﻣﻦ 10 ﺳﻨﻮﺍﺕ ﺑﺎﻟﻀﺒﻂ.. ﺗﺨﻴﻠﻦ ﻛﻞ ﻣﺎ ﻏﺴﻠﺖ ﺷﻌﺮﻱ ﺳﻮﻳﺖ ﻟﻪ (ﺑﻠﻮ ﺩﺭﺍﻱ) ﻳﻌﻨﻲ ﺍﻟﺴﺸﻮﺍﺭ ﻋﻠﻰ ﺍﺻﻮﻟﻪ ﺳﺸﻮﺍﺭ ﺍﻟﺼﻮﺍﻟﻴﻦ.. ﺣﺘﻰ ﺍﻟﺒﻨﺎﺕ ﻗﺎﻣﻦ ﻳﻄﻠﺒﻦ ﻣﻨﻲ ﺍﺳﺸﻮﺭ ﻟﻬﻦ..
ﺑﺲ ﺗﺨﻴﻠﻦ ﺷﻌﺮﻱ ﻛﻴﻒ ﺻﺎﺭ؟؟
ﻳﻌﻨﻲ ﺷﻌﺮﻱ ﺍﻟﻄﺒﻴﻌﻲ ﻛﻴﺮﻟﻲ.. ﻣﺶ ﻣﺠﻌﺪ ﺍﻓﺮﻳﻘﻲ.. ﻷ‌.. ﻛﻴﺮﻟﻲ.. ﺑﺲ ﺍﻟﻠﻲ ﻳﺸﻮﻓﻪ ﻳﻘﻮﻝ ﻣﺠﻌﺪ ﻻ‌ﻧﻪ ﺟﺎﻑ ﻭﻣﺘﻘﺼﻒ ﻭﺣﺎﻟﺘﻪ ﺣﺎﺍﺍﺍﺍﺍﺍﺍﺍﺍﺍﻟﻪ
ﻃﺒﻌﺎ ﻟﻤﺎ ﺭﺣﺖ xxxx (ﻣﺮﻛﺰﻱ ﺍﻟﻤﻔﻀﻞ)ﺧﻴﺮﻭﻧﻲ ﺑﻴﻦ ﺍﻟﻜﻴﺮﺍﺗﻴﻦ ﻭﺷﻲ ﺍﺳﻤﻪ ﺍﻛﺲ ﺗﻨﺴﻮ x-tenso
ﻭﺍﻧﺎ ﻗﻠﺖ ﻟﻬﻢ ﻣﺎﺑﻲ ﺗﻤﻠﻴﺲ.. ﺍﺑﻲ ﺷﻲ ﻳﺨﻠﻲ ﺷﻌﺮﻱ ﻣﺎﻳﻜﺶ..
ﻻ‌ﻥ ﺷﻌﺮﻱ ﻣﻦ ﺍﻏﺴﻠﻪ.. ﺍﺫﺍ ﻣﺎ ﺳﺸﻮﺭﺗﻪ. ﺑﻴﻜﺶ.. ﻭﺍﻟﻜﺸﺔ ﻓﻈﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻌﻬﺔ
ﻓﺎﻟﻤﻬﻢ ﺑﻌﺪ ﺍﻟﻤﺸﻮﺍﺭﺍﺕ ﻗﺮﺭﺕ ﺍﺳﻮﻱ x-tenso (ﺍﻛﺲ ﺗﻨﺴﻮ)
ﻟﻜﻦ ﻻ‌ﻧﻲ ﻗﻠﺖ ﻟﻬﺎ ﻣﺎﺑﻲ ﺷﻌﺮﻱ ﻳﻜﻮﻥ ﺳﻴﺪﺓ,,, ﻓﻬﻲ ﺳﻮﺕ ﻟﻲ ﻳﺎﻩ ﺑﺪﻭﻥ ﻣﺎ ﺗﺴﺘﺨﺪﻡ ﺍﻟﻜﻮﺍﻳﺔ
ﺍﻟﻤﻬﻢ ﺍﻟﻨﺘﻴﺠﺔ ﻛﺎﻧﺖ ﻧﻮﻋﺎ ﻣﺎ ﻣﻘﺒﻮﻟﺔ.. ﻳﻌﻨﻲ ﺩﻓﻌﺖ 650 ﻭﺷﻌﺮﻱ ﺻﺤﻴﺢ ﺍﻥ ﺍﻟﻜﺸﺔ ﻗﻠﺖ ﺑﻮﺍﺍﺍﻳﺪ
ﻳﻌﻨﻲ ﺻﺮﺕ ﺍﻏﺴﻠﻪ ﻭﻋﺎﺩﻱ ﺍﺭﻗﺪ ﺑﺪﻭﻥ ﻣﺎ ﺍﺳﺸﻮﺭﻩ .. ﻭﺍﻧﺶ ﺍﻟﻴﻮﻡ ﺍﻟﺜﺎﻧﻲ ﺍﺷﻮﻓﻪ ﻋﺎﺩﻱ.. ﻟﻜﻦ ﻓﻲ ﻣﻨﺎﻃﻖ ﺑﺴﺒﺐ ﺣﺮﻗﺔ ﺍﻟﺴﺸﻮﺍﺭ ﺑﺎﻫﺘﻪ. ﻭﻣﻨﻔﻮﺷﺔ ﻟﻜﻦ ﻣﻮ ﻛﺸﺔ ﻓﻈﻴﻌﻪ.. ﻳﻌﻨﻲ ﻛﺸﻪ ﺣﻠﻮﺓ
ﺍﻟﻤﻬﻢ
ﻣﺮﺕ 3 ﺷﻬﻮﺭ ﻣﻦ ﺳﻮﻳﺖ ﺍﻻ‌ﻛﺲ ﺗﻨﺴﻮ.. ﻭﻗﻠﺖ ﻳﺎ ﺭﺑﻲ ﻣﻮ ﻋﺎﻳﺒﻨﻲ. ﺍﺑﻲ ﺷﻲ ﻧﺘﺎﻳﺠﻪ ﺍﻓﻀﻞ
ﻭﻃﺒﻌﺎ ﺍﻧﺎ ﺍﺳﻴﺮ ﺍﺳﻮﻱ ﻟﻴﺰﺭ ﺣﻖ ﺍﻟﺸﻌﺮ ﻓﻲ ﻣﺮﻛﺰ ﻓﻲ xxxx ﻳﻌﻨﻲ ﻫﻮ ﻣﺮﻛﺰ ﺗﺠﻤﻴﻠﻲ ﺑﺲ ﻋﻠﻰ ﺍﻳﺎﺩﻱ ﺧﺒﺮﺍﺀ ﻭﺩﻛﺎﺗﺮﺓ.. ﻳﻌﻨﻲ ﺍﻟﻠﻲ ﺗﺴﻮﻱ ﻟﻲ ﻟﻴﺰﺭ ﻫﻲ ﺩﻛﺘﻮﺭﺓ ﺟﻠﺪﻳﺔ..ﻓﺸﺎﻓﺖ ﺷﻌﺮﻱ ﻭﻛﻨﺖ ﺍﻛﻠﻤﻬﺎ ﻋﻦ ﺗﺠﺎﺭﺑﻲ.. ﺟﺎﻥ ﺗﻘﻮﻝ ﻟﻲ ﺍﺻﺒﺮﻱ ﺷﻬﺮ.. ﻧﺤﻦ ﺑﻴﻨﺰﻝ ﻋﻨﺪﻧﺎ ﻧﻮﻉ ﻳﺪﻳﺪ ﻣﻦ ﺍﻟﻜﻴﺮﺍﺗﻴﻦ..
ﻭﺍﻧﺼﺤﺞ ﺗﺴﻮﻳﻨﻪ

ﻭﻃﺒﻌﺎ ﻣﻦ ﺩﺭﺍﺳﺘﻲ ﻓﻲ ﺍﻟﺼﻴﺪﻟﺔ ﺍﻟﻜﻴﺮﺍﺗﻴﻦ ﻣﺎﺑﻼ‌ﻩ ﺷﻲ.. ﻫﻮ ﻋﺒﺎﺭﺓ ﻋﻦ ﺑﺮﻭﺗﻴﻦ..
ﻓﻘﻠﺖ ﻓﻲ ﻧﻔﺴﻲ.. ﺗﻮﻛﻠﻲ ﻋﻠﻰ ﺍﻟﻠﻪ ﻳﻤﻜﻦ ﺍﻟﻠﻪ ﺭﺍﻳﺪ ﻟﺞ ﺗﺴﻮﻳﻦ ﺍﻟﻜﻴﺮﺍﺗﻴﻦ ﻓﻲ ﻫﺎﻟﻤﺮﻛﺰ.. ﻣﺶ ﻓﻲ xxx..
ﻣﻊ ﺍﻧﻲ ﺍﺭﻭﺡ xxx .. ﻭﻋﻤﻴﻠﺘﻬﻢ ﻭﺍﺣﺐ ﺷﻐﻠﻬﻢ ﺑﺲ ﺳﺒﺤﺎﻥ ﺍﻟﻠﻪ ﻛﻨﺖ ﻣﺘﺮﺩﺩﺓ ﺍﺳﻮﻱ ﺍﻟﻜﻴﺮﺍﺗﻴﻦ ﻋﻨﺪﻫﻢ
ﺍﻟﻤﻬﻢ
ﻗﺒﻞ 5 ﺍﻳﺎﻡ ﺑﺎﻟﻀﺒﻂ.. ﺳﻮﻳﺖ ﺍﻟﻜﻴﺮﺍﺗﻴﻦ
ﺍﻭﻻ‌ ﺍﻟﺮﻳﺤﺔ ﻛﺎﻧﺖ ﺗﺠﻨﻦ.. ﻳﻌﻨﻲ ﺭﻳﺤﺔ ﺍﻟﻜﻴﺮﺍﺗﻴﻦ ﺣﻠﻮﺓ ﻣﺶ ﻓﻈﻴﻌﻪ ﻣﺜﻞ ﻣﺎ ﺳﻤﻌﺖ ﻣﻦ ﺍﻟﺒﻨﺎﺕ.. ﻓﻬﺎﻟﺸﻲ ﺃﻛﺪ ﻟﻲ ﺍﻥ ﺍﻟﻜﻴﺮﺍﺗﻴﻦ ﺍﻟﻠﻲ ﻋﻨﺪﻫﻢ ﻏﻴﺮ ﻣﻦ ﺍﻟﻠﻲ ﻋﻨﺪ ﺍﻟﺼﺎﻟﻮﻧﺎﺕ
ﻭﺍﻟﺸﻐﻞ ﺧﺬ ﻣﻨﻬﺎ 4 ﺳﺎﻋﺎﺕ ﺑﺎﻟﻀﺒﻂ + ﻧﺺ ﺳﺎﻋﺔ ﻏﺴﻴﻞ ﺷﻌﺮ ﻗﺒﻞ ﺍﻟﺸﻐﻞ..
ﻭﻗﺎﻟﺖ ﻟﻲ 5 ﺍﻳﺎﻡ ﻻ‌ ﺗﻐﺴﻠﻴﻦ ﺷﻌﺮﺝ
ﺷﻌﺮﻱ ﺻﺎﺭ ﺷﺮﺍﺕ ﺍﻟﻔﻠﺒﻴﻨﻴﺎﺕ ﺣﺘﻰ ﺧﻮﺍﺗﻲ ﻛﺎﻧﻮﺍ ﻳﻀﺤﻜﻮﻥ ﻋﻠﻰ ﺷﻜﻠﻲ
ﻭﻗﺒﻞ ﻣﺎ ﺍﻃﻠﻊ ﻣﻦ ﺍﻟﻤﺮﻛﺰ.. ﺑﺎﻋﻮﻟﻲ ﺷﺎﻣﺒﻮ ﻣﻊ ﺑﻠﺴﻢ.. ﺧﺎﺹ ﻓﻲ ﺍﻟﻜﻴﺮﺍﺗﻴﻦ.. ﻭﻗﺎﻟﺖ ﻟﻲ ﺍﺳﺘﺨﺪﻣﻴﻪ ﻉ ﺍﻻ‌ﻗﻞ ﻟﻤﺪﺓ ﺷﻬﺮ.. ﻭﺑﻌﺪﻳﻦ ﺍﻗﺪﺭ ﺍﺳﺘﺨﺪﻡ ﺍﻱ ﻧﻮﻉ ﺷﺎﻣﺒﻮ.. ﻭﺣﺘﻰ ﻗﺎﻟﺖ ﻟﻲ ﻣﻌﻠﻮﻣﺔ ﻣﺎ ﺳﻤﻌﺘﻬﺎ ﻣﻦ ﺑﺎﻗﻲ ﺍﻟﺒﻨﺎﺕ
ﻗﺎﻟﺖ ﻟﻲ ﺍﻥ ﺍﻟﻜﻴﺮﺍﺗﻴﻦ ﻫﺬﺍ ﺩﺍﻳﻢ.. ﻳﻌﻨﻲ ﻳﻀﻞ ﻓﻲ ﺷﻌﺮﺝ.. ﻣﻮ ﻣﺜﻞ ﻣﺎ ﺳﻤﻌﺖ ﻓﻲ ﺍﻟﻤﻨﺘﺪﻯ ﺍﻥ ﻻ‌ﺯﻡ ﻛﻞ 3 ﺷﻬﻮﺭ ﺗﺴﻮﻳﻨﻪ..
ﺍﻟﻤﻬﻢ..
ﺍﻟﺤﻴﻦ ﻗﺒﻞ ﺳﺎﻋﺔ ﻟﻤﺎ ﻏﺴﻠﺖ ﺷﻌﺮﻱ..
ﺍﺳﺘﺨﺪﻣﺖ ﺍﻟﺸﺎﻣﺒﻮ.. ﻭﻋﻘﺐ ﺍﻟﺒﻠﺴﻢ (ﻣﻼ‌ﺣﻈﺔ.. ﺑﻨﺎﺕ ﺍﻟﺒﻠﺴﻢ ﻻ‌ﺯﻡ ﺗﺴﺘﺨﺪﻣﻮﻧﻪ ﻋﻘﺐ ﺍﻱ ﺷﺎﻣﺒﻮ .. ﻻ‌ﻥ ﺍﻟﺸﺎﻣﺒﻮ ﻳﺰﻳﻞ ﻏﻼ‌ﻑ ﺍﻟﺸﻌﺮﺓ.. ﻭﺍﻟﺒﻠﺴﻢ ﻳﺮﺟﻌﻪ ﻭﻳﺤﻤﻴﻪ... ﻟﻜﻦ ﺍﻟﺒﻠﺴﻢ ﻣﺎ ﻳﻨﻐﺴﻞ ﺑﻪ ﻓﺮﻭﺓ ﺍﻟﺮﺍﺱ ﺷﺮﺍﺕ ﺍﻟﺸﺎﻣﺒﻮ.. ﻳﻌﻨﻲ ﻟﻤﺎ ﺗﺴﺘﺨﺪﻣﻴﻦ ﺍﻟﺒﻠﺴﻢ ﻻ‌ﺯﻡ ﺑﺲ ﺗﺤﻄﻴﻦ ﻛﻤﻴﺔ ﻓﻲ ﺍﻳﺪﻳﺞ ﻭﺗﺪﻫﻨﻴﻦ ﺑﻪ ﺍﻃﺮﺍﻑ ﺍﻟﺸﻌﺮ .. ﻣﻮ ﻓﺮﻭﺓ ﺍﻟﺮﺍﺱ.. ﻭﻫﺬﺍ ﺍﻛﺒﺮ ﻏﻠﻂ ﺍﻟﺒﻨﺎﺕ ﻳﺴﻮﻭﻧﻪ ﻋﺸﺎﻥ ﺟﺬﻱ ﺗﻄﻠﻊ ﻟﻜﻢ ﻗﺸﺮﺓ ﻭﺍﻟﻠﻲ ﻳﻄﻴﺢ ﺷﻌﺮﻫﺎ... ﻓﺎﻟﻠﻪ ﻳﺨﻠﻴﻜﻢ ﺍﻱ ﺷﺎﻣﺒﻮ ﺗﺴﺘﺨﺪﻣﻮﻧﻪ ... ﻻ‌ﺯﻡ ﺗﺴﺘﺨﺪﻣﻮﻥ ﺍﻟﺒﻠﺴﻢ ﻣﻌﺎﻩ.. ﻭﺍﻟﺒﻠﺴﻢ ﻻ‌ ﺗﺨﻠﻮﻧﻪ ﻳﻼ‌ﻣﺲ ﻓﺮﻭﺓ ﺍﻟﺮﺍﺱ)

ﻧﺮﺟﻊ ﻟﻤﻮﺿﻮﻋﻨﺎ <<<< ﺑﻨﺬﺑﺤﻬﺎ ﻫﺎﻟﺒﻨﻴﺔ ﻛﻞ ﺷﻮﻱ ﺗﻄﻠﻊ ﺑﺮﺍ ﺍﻟﻤﻮﺿﻮﻉ
ﺍﺗﺨﻴﻠﻮ ﻟﻤﺎ ﻏﺴﻠﺖ ﺷﻌﺮﻱ..



ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻭ


ﻭﺍﺍﺍﺍﺍﺍﺍﺍﺍﺍﺍﺍﺍﺍﻭ

ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﻭ

ﺗﺒﺎﺭﻙ ﺍﻟﺮﺣﻤﻦ ﻻ‌ ﺍﻟﻪ ﺍﻻ‌ ﺍﻟﻠﻪ ﻣﺎ ﻳﺤﺴﺪ ﺍﻟﻤﺎﻝ ﺍﻻ‌ ﺻﺎﺣﺒﻪ
ﺗﺒﺎﺭﻙ ﺍﻟﺮﺣﻤﻦ ﻭﻻ‌ ﺣﻮﻝ ﻭﻻ‌ ﻗﻮﺓ ﺍﻻ‌ ﺑﺎﻟﻠﻪ
ﻭﺍﻟﻠﻪ ﻣﺎ ﻋﻤﺮﻱ ﺣﻠﻤﺖ ﺍﻥ ﺷﻌﺮﻱ ﻳﺼﻴﺮ ﺑﻬﺎﻟﺮﻭﻋﺔ
ﻧﻌﻮﻣﺔ + ﻟﻤﻌﺎﻥ + ﺭﻳﺤﺔ ﺣﻠﻮﺓ + ﺑﻼ‌ ﺗﻤﻮﺟﺎﺕ ﺍﻭ ﺗﺠﺎﻋﻴﺪ (ﻗﺼﺪﻱ ﺍﻟﻜﻴﺮﻟﻲ ﺍﺧﺘﻔﻰ ﻭﺷﻌﺮﻱ ﺻﺎﺭ ﺳﺎﻳﺢ ﺷﺮﺍﺕ ﺍﻟﻔﻠﺒﻴﻨﻴﺎﺕ ﻟﻜﻨﻪ ﻣﻮ ﻣﺜﻞ ﺍﻟﺘﻤﻠﻴﻴﻴﻴﻴﻴﻴﻴﻴﻴﻴﺲ ﺍﺑﺪ.. ﻓﻲ ﻓﺮﻕ ﻛﺒﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﺮ)

ﻭﺍﻟﻠﻪ ﺍﻧﻲ ﻣﺴﺘﺎﻧﺴﺔ ﻭﺍﺍﺍﺍﺍﺍﻳﺪ ﻉ ﺍﻟﺘﺠﺮﺑﻪ

ﻭﺣﺒﻴﺖ ﺍﻓﻴﺪﻛﻢ

ﺍﻟﺮﺟﺎﺀ ﻣﻦ ﺍﻱ ﻭﺣﺪﻩ ﻣﺎ ﻧﻔﻊ ﻣﻌﺎﻫﺎ ﺍﻟﻜﻴﺮﺍﺗﻴﻦ..ﻗﺒﻞ ﻣﺎ ﺗﺮﺩ ﻋﻠﻰ ﻣﻮﺿﻮﻋﻲ ﺗﺴﺄﻝ ﻧﻔﺴﻬﺎ ﻫﺎﻟﺴﺆﺍﻝ؟
ﻫﻞ ﺍﻟﻜﻴﺮﺍﺗﻴﻦ ﻛﺎﻥ ﻓﻴﻪ ﺭﻳﺤﺔ ﺣﻠﻮﺓ ﻭﺍﻳﺪ؟؟
ﻫﻞ ﺍﺳﺘﺨﺪﻣﺘﻲ ﺷﺎﻣﺒﻮ ﺍﻟﻜﻴﺮﺍﺗﻴﻦ ﺑﺪﻭﻥ ﻛﻠﻮﺭﻳﺪ ﺍﻟﺼﻮﺩﻳﻮﻡ ﻣﺎﺭﻛﺔ ﺍﻣﺮﻳﻜﻴﺔ ﻓﻲ ﺍﻭﻝ ﺷﻬﺮ ﻣﻦ ﺍﻟﻜﻴﺮﺍﺗﻴﻦ؟؟
ﻫﻞ ﺗﺮﻛﺘﻲ ﺍﻟﻜﻴﺮﺍﺗﻴﻦ ﺍﻗﻞ ﺷﻲ 4 ﺍﻳﺎﻡ ﻓﻲ ﺷﻌﺮﺝ؟؟
ﻫﻞ ﺧﺒﻴﺮﺓ ﺷﻌﺮ ﺳﻮﺕ ﻟﺞ ﺍﻟﻜﻴﺮﺍﺗﻴﻦ.. ﻣﻊ ﻣﺮﺍﻋﺎﺓ ﺍﻟﻨﻈﺎﻓﺔ ﻭﺗﺠﻔﻴﻒ ﺍﻟﺸﻌﺮ ﻭﻭﺿﻊ ﺍﻟﻜﻴﺮﺍﺗﻴﻦ ﻋﻠﻰ ﺧﺼﻞ.. ﻭﺍﺳﺘﺨﺪﺍﻡ ﺍﻟﻜﻮﺍﻳﺔ ﻟﺘﺜﺒﻴﺖ ﺍﻟﻜﻴﺮﺍﺗﻴﻦ؟؟

ﺍﺫﺍ ﺟﺎﻭﺑﺘﻲ ﻋﻠﻰ ﻧﻌﻢ ﻋﻦ ﻛﻞ ﻫﺎﻻ‌ﺳﺌﻠﺔ.. ﻭﻻ‌ﺯﺍﻝ ﺷﻌﺮﺝ ﻓﻴﻪ ﻣﺸﺎﻛﻞ ﺍﻭ ﺍﻟﻜﻴﺮﺍﺗﻴﻦ ﺧﺮﺏ ﺷﻌﺮﺝ.. ﺍﺭﺣﺐ ﺑﺮﺩﻭﺩﺝ.. ﻭﻧﺼﺎﻳﺤﺞ
ﻟﻜﻦ ﻟﻮ ﻛﺎﻥ ﺍﺟﺎﺑﺎﺗﺞ ﻛﻠﻬﺎ ﻷ‌ ﺍﻭ ﻭﺣﺪﻩ ﻣﻨﻬﻢ ﺑﺲ ﻛﺎﻧﺖ (ﻷ‌).. ﻭﻳﺎﻳﻪ ﺗﻌﺘﺮﺿﻴﻦ ﻉ ﺍﻟﻜﻴﺮﺍﺗﻴﻦ ﺍﻟﻠﻲ ﺍﻧﺎ ﺳﻮﻳﺘﻪ .. ﺍﻗﻮﻝ ﻟﺞ ﻋﺰﻳﺰﺗﻲ ﻻ‌ ﺗﻜﺘﺒﻴﻦ ﺍﻟﺮﺩ ﻋﺸﺎﻥ ﻣﺎ ﺗﻮﻫﻴﻦ ﺍﻟﺒﻨﺎﺕ

ﻻ‌ﻥ ﺍﻟﻜﻴﺮﺍﺗﻴﻦ ﺍﻧﻮﺍﻉ .. ﻭﺍﻟﻨﻮﻉ ﺍﻟﻠﻲ ﺍﺳﺘﺨﺪﻣﺘﻪ ﻣﺘﺄﻛﺪﺓ ﺍﻧﻪ ﻣﺨﺘﻠﻒ ﻋﻦ ﺍﻟﻠﻲ ﻣﻮﺟﻮﺩ ﻓﻲ ﺍﻟﺼﺎﻟﻮﻧﺎﺕ

ﻭﺍﻟﻠﻲ ﺣﺎﺑﺔ ﺗﺴﺘﻔﺴﺮ ﻋﻦ ﺍﻱ ﺷﻲ ﺗﺮﺍﻧﻲ ﺣﺎﺿﺮﺓ

ﻭﺍﻧﺎ ﻟﻴﺶ ﻛﺘﺒﺖ ﻟﻜﻢ ﺗﺠﺮﺑﺘﻲ ﻣﻊ ﺍﻻ‌ﻛﺲ ﺗﻨﺴﻮ.. ﻻ‌ﻧﻲ ﻗﻠﺖ ﻳﻤﻜﻦ ﺑﺴﺒﺐ ﺍﻧﻲ ﺳﻮﻳﺖ ﺍﻻ‌ﻛﺲ ﺗﻨﺴﻮ ﻗﺒﻞ ﺍﻟﻜﻴﺮﺍﺗﻴﻦ ﻫﻮ ﺍﻟﻠﻲ ﺧﻼ‌ ﺷﻌﺮﻱ ﺳﺎﺍﺍﺍﺍﺍﺍﺍﺍﺍﺍﻳﺢ ﻭﻻ‌ ﺍﺣﻠﻰ
ﻭﻣﺎﻓﻴﻪ ﺗﻤﻮﺟﺎﺕ
ﻻ‌ﻥ ﺍﻻ‌ﻛﺲ ﺗﻨﺴﻮ ﻳﻘﻠﻞ ﺗﻤﻮﺟﺎﺕ ﺍﻟﺸﻌﺮ..
ﺑﺲ ﻣﻮ ﻣﺘﺄﻛﺪﺓ ﻟﻮ ﺷﻌﺮﻱ ﺍﻟﻠﻲ ﺍﺷﻮﻓﻪ ﺑﺴﺒﺐ ﺍﻟﺜﻨﻴﻦ.. ﻭﻻ‌ ﺑﺲ ﺑﺴﺒﺐ ﺍﻟﻜﻴﺮﺍﺗﻴﻦ..
ﻟﻜﻦ ﻣﺘﺄﻛﺪﺓ ﺍﻟﻠﻤﻌﺎﻥ ﻭﻧﻌﻮﻣﺔ ﺍﻟﻤﻠﻤﺲ ﻣﻦ ﺍﻟﻜﻴﺮﺍﺗﻴﻦ

ﻭﺩﻣﺘﻢ ﺑﻮﺩ

(ﻓﺪﻳﺘﻬﺎ ﺍﻣﻲ ﻭﻫﺎ ﺩﺧﻠﺖ ﻋﻠﻲ ﻭﺷﺎﻓﺖ ﺷﻌﺮﻱ ﻭﺗﺨﺒﻠﺖ ﻭﻗﺎﻟﺖ ﻟﻲ ﺣﻼ‌ﻝ ﻋﻠﻴﻬﻢ ﺍﻟﻠﻲ ﺧﺬﻭﻩ ﻣﻨﻲ)


ان شاء الله استفدتم
ترقبوا جديد حنين ^_^